wanted: simpleng babaye!

hay...salamat sa Lord mana jud akong busy mode... back no abnormalities na sad.. aw.. back to normal diay... sayop! sayop! mana jud ang tanan... relaks-relaks na sad..pwede na sad mag chill-chill sa daplin-daplin.. hehehe

naa diay koy itsismis..

nahimout jud ko na naglagot atong niadto kog cagayan atong disperas sa ilang pista... atong august 27, lunes na siya, usa ka holiday.. so pwede ko mag laroy-laroy kay way trabaho.. sa pag adto nako didto perting ulana.. unya di man ko ganahan gud kong mag ulan kay mabasa akong sapatos nya puti raba ang kolor.. sa SM ra jud ko nag libot-libot.. wa nako niadto ug laing tindahan kay mabasa akong sapatos ug ang akong tiil..

sa akong pagpauli.. medyo gabii na jud.. ang last trip na na aircon bus ang akong gisakyan.. dapit ko sa pinakatumoy kay mao na man lang ang bakante.. diba sa bus na aircon tag duha man jud na ka bangko ang magtapad, wa koy tapad niadto.. nya sa atbang sa akong bangko naa say usa ka lalaki na mao ra sad usa na wa say tapad.. paghinay-hinay nag dagan sa bus nitindog dayon siya dayon doul sa akoa ug nanguta..

lalaki sa bus: miss naa kay kuyog?

tikya: wala.

lalaki sa bus: ikaw ra isa?

tikya: wa gani koy kuyog! unsa pud ni sya ui.

lalaki sa bus: aw, pwede diri lang ko molingkod kay wa koy tupad?

tikya: (ako lang siyang gilantaw.. wa na nako tubaga kay di ko ganahan niya)

ug toud man nilingkod gyud siya... wa jud mi pinansinay hangud na layo-layo na ang nadagan sa bus nagsugod na dayon siyag tabi`..

lalaki sa bus: nag unsa diay kag cagayan?

tikya: naa lang koy giadto. ( akong gitubag kay bastos ra sad kaayo kong di nako siya tubagon. mura tag way grado.)

lalaki sa bus: namista ka?

tikya: wala.

lalaki sa bus: nagtrabaho ka didto?

tikya: wala sad.

lalaki sa bus: taga aha man diay ka?

tikya: taga iligan.

lalaki sa bus: sa iligan nagtrabaho na sad ka?

tikya: wala sad. (tsar!)

lalaki sa bus: aw.. istambay pa diay ka ron?
tikya: maingon jud ana.

lalaki sa bus: maypa mangaplay kas akong opisina. dira bitaw dapit sa Phil-am.. naa man among opis dira.

tikya: unsa man diay imong trabaho? (kabalos sad kog pangutana)

lalaki sa bus: naa kos enterprise bank.

tikya: unsa na siya? karaan na man jud kos iligan wa jud ko kadungog ana. bangko na? (naglibog ko kay enterprise bank kuno nya wa raba jud na sa iligan na bangko kuno!)

lalaki sa bus: uu.. bangko na siya. wa pa lang na establish ang kay bag-o pa man mi. mag expand mig branch sa iligan.

tikya: ah.. ok.

lalaki sa bus: pwede kaayo ka mangaplay didto. pangitaa lang dayon ko. aron matabangan tika. (tsar kaayo).. nakahuman man kaha ka?

tikya: uu

lalaki sa bus: aw way problema. basta makapasar lang sa mga exam dawat na diritso. brayt man kaha ka?

tikya: (whaaaaaat!?) unsa man sa imong pagtou?

lalaki sa bus: aha man diay ka nigradweyt?
tikya: MSU - IIT!

lalaki sa bus: aw way problema! kay mga brayt man daw nang mga istudytante dira.

tikya: maayo kay nakabalo ka!

lalaki sa bus: barato ra man kaayo inyong tuition dra ui. pwede ra ka dili magtarong ug skwela kay tag 50 ra ang kada unit!

tikya: lagi.. skwelahan sa biya na sa mga pobre. (piste maning tawhana ni!)

lalaki sa bus: ako? mahal kaayo akong tuition atong nag skwela pa kog college.

tikya: ( wa daw ko nanguta) mao ba?

lalaki sa bus: uu mahal jud kaayo. sa pinakamahal man ko na skwelahan didto sa amo nag skwela. accounting akong kurso.

tikya: aw. kanindot gud.

lalaki sa bus: ako gung isa ka semester modagan ug p 20,000.00. bayaran na na tanan sa akong nanay pag enrol kay taymingon man ang enrolment na ani sa among basakan.

tikya: kadatu sad ninyo ui.

lalaki sa bus: di na gud mi mopalit pag bugas kay sobra pa man kaayo among ani sa among kunsomo.

tikya: aw. mobah. i donate na lang nang uban sa amoa labon sige lang mig kaon ug bugas na daghay pais.

lalaki sa bus: adto gani sa amo.. tagaan tika. ( tsar na sad kaayo)

tikya: taga aha man diay kang bukira dong? (hahaha)

lalaki sa bus: taga butuan man jud ko. ang among basakan naa sa bukid pero ang amo jung balay naa sa syudad.. sa sentro jud.. kay sa subdivision man mi nagpuyo.. dali raman kaayo tul-tulon ang among balay.

tikya: aw.. kalayo ba sad! diba bagyohunon mana dirang dapita? (bisan dili gud! hangin man gund kaayo ning amaw)

lalaki sa bus: di ui.. kahapsay ras among lugar! nindot kaayo didto. boutan kaayo ang mga babaye!

tikya: bagyuhonun ui! ayaw gud pagbout nako! basta kusog ang hangin dirang dapita!

lalaki sa bus: kaadto na diay ka?
tikya: wa pa. pero sure jud ko medyo hanginon didtong dapita!

lalaki sa bus: aha man sad ka tig-laagan?

tikya: di man ko laagan. (sure?!hehe)

lalaki sa bus: ako sauna tag lagyo kaayo ko molaag.. di ko molaag sa butuan.. sa davao ko molaag.. usahay sa cagayan.. usahay sad sa bukidnon.. di nako molaag ug butuan kay sumo na..

nya.. nikalit ug tingog ang iyang celpon.. iyang celpon old skul ang model.. heheh. nya matud da yon niya..

lalaki sa bus: nitext akong uyab-uyab.heheh

tikya: dayon?

lalaki sa bus: sige ug langi-langi sa ako. di lang gani nako mapansin gamay.. madugay lang gani kog reply mag loud-loud dayon.. gusto jud permi labing-labingon. salig kay cute kaayo.

tikya: aw, imo unta tong gihikot sa imong hawak basi mapunitan tog lain.. wa na kay madala sa imong basakan na 5 hectares!

lalaki sa bus: gusto nako sa babaye kanang simple lang. kanang madala sa among bukid.

tikya: ay dong.. karong panahona kung nangita kag simpleng babaye.. ang mga simpleng babaye ron wa nanay mga panotbrush! nya.. kung mangita sad kag madala nimo sa inyong bukid ayaw sa syudad pangita.. sa bukid ra sad pangita.. kita jud kag match didto. sure ko!

lalaki sa bus: ah.. grabe sad ka ui.. simple ra man nga babaye akong gipangita.kay sige nang ingong akong mama kanus-a daw ko magminyo na nana man unta koy trabaho. nana sad koy gamay`ng savings sa banko. (rowt!)

tikya: mao gani. sayon ra kaayo ang solusyon sa imong problema.. adto gani sa mga bukid-bukid.. diba ilogan jud ka didto!

nya.. wa na siya nitubag.. hapit na jud mi naabot..misamis na.. salamat intawon..nitakilid ko gamay paatubang sa glass na bintana.. pagka taud-taud.. iya kong gikuhit...

lalaki sa bus: tulo man lagi imong arites sa dunggan.. buguyon sad diay ka?

tikya: unsa?! unsa diay connection sa arites ug sa pagkabugoy?!

lalaki sa bus: basta man gud daghan ug arites bugoy mana siya.

tikya: kinsa man sad kunoy nag-ingon nimo ana!?

lalaki sa bus: mao bya jud na.. basta naay tattoo.. daghay arites.. mga bugoyon na sila.

tikya: aw.. sa inyong bukid.. bugoy na.. pero dire sa amo.. normal rana ui.. nabuhi bya mi sa syudad.. basin ma shock ka kung makakita kag dila ug pusod na naay arites ha.. basin makaingon kay baboy na nahimong tawo ang mga tawong naay mga arites sa dila.!

nipiyong na lang dayon ko ui.. kay murag gipanugnaw kog pinaminaw sa iyang mga atik-atik. nagtabi pa man to siya.. nagpa tulog-tulog na lang ko aron mahuman ang storya.

waaaaaaaaah!