pa-braytanay!

I.Q. test

nganung P3.70 = P 13.20 pareho ra man?
unsay tubag!?

roundtrip to iraq ang premyo!

nag me-me-gandang tikya!

kang madam aries ani gikan na "meme" kunu.. haha.. wa ko kasabot ani.. kani laging usahay hinay tay panabot labi nag gut-mon.. pero akong nabantayan na maglista lang man kag unom (6) ka katingalahan sa imong kaugalingon.. (sakto ba?) og kani ang akong unom na maingon nakog murag lisod masabtan sa uban.

una:

adtong naa pa kos kolehiyo, ang kolor sa akong kowkow pula ra jud ug itom.. daghan ang matingala ug medyo mokatawa kay nganu kunong ingon ato ang kolor sa akong kowkow.. aguy.. magbout man sila na ako man magbayad sa manikyurista! ug usa pa.. mosamot kog kagwapa basta itom ug pula ang kolor sa akong kowkow!

ikaduha:

dili ko hilig manlaba sa akong sneakers.. haha.. mas ganahan ko mosout kong way laba akong sneakers.. pero sa sneakers ra sad.. kay atong naa pa kos kolehiyo mag sneakers ra man jud ko.. talagsa ra ko magsapatos ug pang datu.. pang pobre ra jud akong sapatos.. kay mas komportable man ug usa pa sad wa may uniporme among skuylahan sauna.. payts kaayo.

ikatulo:

di sad ko mahilig mag sige ug ilis og karsones.. hantud di ko kasab-an sa akong inahan kay ga sige na lang kog balik-balik sa akong karsones di pa nako ibutang sa butanganan ug labhunon.. nindot man gud souton ang hugaw-hugaw na karsones.. pero di ko hugawan hap! ganahan lang jud kog medyo hugaw kay simple ra man ko nga pagkatawo.. hehe

ika-upat:

mokaon na kog okra ron! yehey! tungod sa advertise na " makulay ang buhay sa sinabawang gulay" naay usa ka propaganda didto na nag-ingon "... sa knorr na dahil napakain ko nga ng okra yung anak ko.." nag testing sad kog luto.. ug nadiskubre nako na lami gyud siya.. ug sukad ni-adto mokaon na kog okra!pero menus kaayo kog talento pag-abot sa kusina..dili pa ikapanghambog.. haha

ika-lima:

ganahan kaayo kog bayot.. ug mga babaeng bayot.. kusog sad ko mag gaylinggo.. (murag dili mani siya katingalahan.. kay daghan na man ni rong panahona..apan wa na koy laing mahuna-hunaan para dire sa ika-lima). mag sige ug kasuko akong amahan kay nganu kunong magbinayot ko na babae man daw kong dako.. unsaon taman in-ani naman jud ko.. wa na tay mahimo.. kaysa matomboy ko, mayna na lang sad ug mabayot ko.. hahahaha

ika-unom ug katapusan:

kaniadto kong masakitan gani ko.. ako jud dayon nang buhok akong pahimungtan.. maong wa jud ko nakapataas ug buhok.. masakitan na gani kos gugma, pakighigala, pamilya ug uban pang klase sa kasakit. parlor jud na akong sangkuan.. ug akong way labot na buhok ang mapahimungtan.. nakapataas lang kog buhok.. naahat kog pataas kay migradweyt lage ko atong marso.. nya lain man kaayo tan-awon na mubo akong buhok.. nitaas na siya.. hantud karon wa pa nako paputLi kay wa pa man ko nasakitan.. hehe

mao ra man ni akong ikadalit.. sa sunod na pud ang uban.. aw.. napa diay pakapin.. mas ganahan kog lalaki na niwang kaysa lalaki na macho-macho..hahaha

karon.. kinsa man akong pasahan aning gahom ni lola?haha

suwayan kaha nako si tinoud na botbot.. o

si kuan ba kaha.. si cantingnon sad..?

david beckham... lami!

grabe kalami ni david wui.. sus.. kung kani na laki maakoa di jud nako ni buhi-an.. ako jud ning isulod sa akong .... bag permi! hehe

kalami ba gyud.. kanus-a pa kaha ko makakaplag ug sama ani niya ka lami.. haha

naa na man koy aydol.. pero dili man to siya kapareha ni david ui.. layo ra.. pero mayna lang kay ang akong aydol taga iligan sa rad.. dali ra pangita-on..hehe.. di sad kalas plete.. pwede pud ako ang mubuhi! naa na sad kos internitan.. pero wala man siya ui.. sige paabot pa ko gamay.. hehe.. aha na kaha to gibutang ni lord..

hala day.. paabot... paabot.. maayo unta kong moabot..

inlab gallore

nagtagbo mi!!! wa ko katingog.. ni pahiyum siya nako... gosh.. fresh pa kaayo siya.. bag-o pa siyang ligo... wa jud ko katingog.. humot kaayo si dodong! haha... imbes di ko mag post karong adlawa.. kaila kag nidali-dali kog sulod ani na internitan.. maski wa ko kibalo kung unsa ning internitana.aron lang jud ipamalita sa tanan na nagtagbo mi niya iya kong gipahiyuman! lord!!! pagsulod nako sa internet cafe natingala ang tig-bantay nganu nag ngisi ko.. murag wala kos aking kaugalingon.. haha... bahala nag natingala ang tig-bantay basta ako nalipay! moadto na sad ko unyang hapon didto sa internet cafe na gibantayan sa akong amiga! kay sure jud ko naa na sad siya didto unya! hala ui.. unsa naman jud ni akong gibati... haha.. mangita nakog trabaho aron ako na siyang mabuhi! shulit jukog eklit! hahaha

sa among bukid

usa ka adlaw sa bukid..

may usa ka manok na manyakis kaayo. madako o magamay, iya gyung luguson- sama sa pugo, itik, pato, baboy, baka, ug uban pa. ang tanang hayop nga naa sa bukid, gi-ampo nalang na unta mamatay na ang manok.

usa ka adlaw, nakita sa ubang mga buhi sa bukid na nagkirig-kirig ang manok sa yuta, ug gisinggitan siya`g "GABA NA NA! MANYAKIS MAN KAAYO KA! MADAYUNAN NA UNTA KA!"

nitubag ang manok:

"HUWAT MO DIHA, MAHUMAN LANG KO ANING ULOD, KAMO NA PUD AKONG ISUNOD!"

paduding-duding part II

nya, niadto na sad ko atong sabado.. nagpa gwapa pa jud ko.. nya nagpaseksi pud.. cleavage cleavage sad akong drama nya ang ending wa siya didto.. sayang lang akong effort.. hasta akong perfume nasayang... tsk.. nya niana akong soud na higala na ato daw biyernes niadto daw siya didto nya dugay daw kaayo niuli.. gabii na daw.. hastang sayanga.. sige na lang.. niuli na lang dayon ko... nya nibalik ko gahapon.. perti nakong yagita.. nag tsinilas ra pa jud ko nya nag t-shirt ug gisi-on.. ang ending naa noun siya didto.. kalagot kaayo.. minus kaayo.. hahaha... pero yes na lang kay nangayo man siya sa akong piatos.. hehe... nangayo sad siya sa coke na akong gipalit.. hahah.. ok ra japon.. mobalik na sad ko didto unyang hapon.. yehey! mag tan-tan tan-aw na sad kos iya... hahaha.. taman lang tag tan-aw ani.. mauwaw man gud ko ui.. haha