30.7.07

magpaduding duding

mobalik na sad ko unyang hapon didto sa internitan na gibantayan sa akong soud na higala... kay aron makakita na sad kos akong aydol didto. haha.. adtong niagi nakong pagbisita didto.. samtang nag edit-edit kos akong blog.. nagtapad mig pc! di man jud unta ko mogamit ug kumpyuter atong higayuna apan kay naa lage siya nagduwa ug dota.. online na lang sad ko.. hehe.. astang igata! nya... humot kaayo ang pahak! waaaaah... giganahan sad ko.. haha.. maski wa nay sapi.. bahala na.. hehe..
unya pag human niya ug dula.. ni undang na sad kog gamit sa kumpyuter kay nigawas na man siya.. nag lingkod-lingkod siya sa gawas kay naa pa may murag isnakan sa gawas sa internitan uban sa iyang mga higala.. nya ako wala sa dayon ko nigawas... istorya-istorya sa dayon kos aking higala( aron inggnon bah) kay naa pa man siya sa gawas nag kaskas sa iyang gitara.. haaayyy.. gugmang giatch na jud tingali ni..
pasimple lang dayon ug lingi-lingi.. haha.. aron di kaayo klaro bah.. unsa mani ui.. manghod pa raba nako akong aydol... istudyante pa gud.. mangita na lage kog trabaho aron pwede na nako siay paliton ug buhi-on! haha

23.7.07

unsa mani akong gibati?

samtang nag lingkod ko sa gawas sa crown paper stationer atbang sa jolibee kay naghuwat kos akong suod na higala... kay dugay kaayo miabot.. nagsabot mig ala una naabot hapit na alas dos.. niya ako naabot ko didto impunto ala una gyud... nagtanga ko samtang nag paabot kay hapit naman ko gisapot abi kog injanon na sad kos kanahan... apan sa paghuwat nako.. naay nilabay na lalaki.. wa kaayo ko kaila sa iyang dagway.. nikatawa man siya.. ug ui.. kanindot sa akong gibati.. akong gyung gihuna-huna kung aha man jud nako nakaila tong lakiha.. sa katapusan nakahinumdon ra gyud ko.. isa diay siya sa tig istambay didto sa internet cafe na gibantayan sa akong higala.. wa man nako to siya mabantayi sa sigi nakog adto sa internitan.. apan sa iyang paglabay didto samtang naglingkod kos gawas sa crown.. lain man akong gibati ui.. ahaka ba gyud.. unsa kaha ni? haha.. gugmang giatay na sad!

21.7.07

Martial Law

usa ka gabie samtang nag totur ko..

tikya: rang, naa kay asaynment?
mirang: naa `te.
tikya: beh.. unsa mana beh?
mirang: kuan `te.. naa sa akong libro sa inglis.
tikya: unsa may page?
mirang: kana `te ay.. page 71.
tikya: aw, unsa mani.. ahh.. sayon raman ni. sigi answer answer nata aron dali mahuman kay tudluan pa tikag basa.
mirang: sigi.. (gisulat niya akong gipang yawyaw na tubag sa pangutana)

(pag-abot sa namber 7..)

tikya: hala.. naglibog man ko ani ui.. sigi sa katapusan na lang ta ani anseran. labyan lang sa nato ni.
mirang: sigi.

(padayon mig answer. paghuman among gibalikan ang namber 7)

tikya: sigi mao ni answer. isuwat dira MARTIAL LAW.
mirang: sigi. sa namber 7 na noh. (gisuwat pud niya. sa spelling na MARCIALO)
tikya: patan-awa daw ta beh. unsa mana imong gisuwat day! di mana mao! usba na! MARTIAL LAW gud. saon sad ni siya di naman noun kibalo mo spelling.MARTIAL bah. M-A-R-T-I-A-L gud.. dayon LAW dayon.
mirang: aw, sayop diay. ako nalang ireson. ilisdan na lang nako. (iyang gisuwat.. MARTIAL LO)
oh.. mana!
tikya: taw-aw daw beh. na ui.. unsa mana.. kabugo ba sad nimo ui.. ako man ganing manghod kibalo man gani mo spelling ana na grade 1 pa toh! M-A-R-T-I-A-L L-A-W ui! taronga ug suwat dira!

babae na gwapahon. bow

tinuod nga panghitabo samtang nag parehistro sa comelec.
babae na gwapahon: kakapoy bag linya linya diri ui. mag dinut-anay pa jud ning sa likod!perti pa jung inita!
lalaki na manyakon: dong, nag yawyaw ang babae na gwapahon ai. unsaon ta mani?hehe. (ngisi pud ang usa niya ka kauban.. nag hinung-hungay ang duha.)
babae na gwapahon: agay! unsa mani ui.. init pa kaayo ug nilinya. naa pa juy manuslok ug lobot! kinsa mana? kabastos ba? ako lang kang masapnan ron laparohon jud tikag wala tou!
lalaki na manyakon: hala kinsa manang way batasan dira? laparuhon daw ni miss beyotipul! (ngatawa ang mga nakadungog)
babae na gwapahon: pesti! mao pay di ta madatu aning rehistro rehistro naa pa juy mag binastos. maypag mouli ko aning kalakiha! wa koy madawdaw diri! bwisit! (ni exit ang babae na gwapahon sa eksena)

20.7.07

gugmang giatay

ingon nila LOVE IS BLIND daw. bahalag pangit basta boutan. bahalag unggoy basta loving. bahalag murag tae ang nawong basta masinabtanon. basta gugma lagi bahalag lubot sa kalderong buak na naligsan ug lima ka pison ug gitumban sa napulo ka baboy ang nawong. sagdi lang kay ang kasing-kasing man daw ang gaingon. aaahhhw.. kamo... basta walay mahayay kung kano ang basulon sa inyong mga anak.

mao kini ang sinugdanan sa akong kinabuhi

sa sigi nakog istambay sa lain lain na blog.. nakahuna-huna ko na nganung di man ko mag himo ug blog na ako na usa usab ka bisaya... mao to na samtang wa koy laing mabuhat atubangan sa computer... nahinay-hinay ug kamugna kining akong blog karon. hinaut unta na aduna japoy mohatag ug pagtagad aning akong gamayng kalipay sa kinabuhi. daghang salamat!